Iloilo — Nagalaum si Board Member Lorenz Defensor sang 3rd District nga mabuligan ang pigado kag remote nga mga barangay sa probinsya paagi sa iya ginaduso nga ordinansa nga maga-establisar sang Annual Basic Care ukon ABC kit para sa Geographically-Isolated and Disadvantaged Areas (GIDA). Suno kay Defensor, ginpakamaayo niya nga himuan sang ordinansa ang programa agud nga mapainan sang provincial government sang pondo. Tuyo sini nga indi na mabudlayan ang mga GIDA barangays nga magdulhog sa patag agud lang nga makapangita sang bulong ukon basic medical equipment. Nagdihon sang package si Defensor upod sa Provincial Health Office nga naga-unod sang balor P20,000 tubtob P25,000 nga bulong kag equipment. Masobra 400 ka barangay ang ginakonsiderar sa proposed ordinance nga GIDA barangays. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply