PESO-Iloilo Province, magahiwat sang Job Fair sa Disyembre 8

Iloilo City — 124 ka mga kompaniya ang magapartisipar sa hiwaton nga Job Fair sang Public Employment Service Office ukon PESO-Iloilo province sa Disyembre 8.   Suno kay PESO Iloilo Province head Francisco “Bombette” Heler, Jr.madamu nga job opportunities sa local kag abroad ang nagahulat sa mga job seekers. 120 lang kuntani ka mga kompaniya ang target sang PESO nga makapartisipar sa job fair apang nag-sobra kag madamu pa ang gusto nga mag-entra.  Ang mga interesado ang aplikante suno kay Heler ang mahimo nga magpa-pre register sa PESO sa 3^rd floor sang Provincial Capitol building agud makalikaw sa malaba nga pilahay sa tion sang job fair. Hiwaton ang Job Fair sa Provincial Capitol lobby kag sa Casa Real de Iloilo, halin las 8 sa aga tubtub las 5 sa hapon. (JoMaque)