Mga soldado, naka-engkwentro sang armado nga grupo sa Maasin
Maasin, Iloilo–Naka-engkwentro sang mga soldado sa idalum sang 61st Infantry Battalion ang armado nga grupo sa Barangay Trangka, Maasin pasado alas-12 kaina sang hapon.
Ginkonfirmar ni Lieutenant Colonel Sisenando Magbalot, Commanding Officer sang 61st IB, nga ginabanta 30 ka armado nga tawo ang na-engkwentro sang mga tropa. Naglawig sang pila ka minutos ang linupok antes nagpalagyo ang naka-away sang mga soldado.
Wala sang ginreport nga napatay ukon nasamaran sa government forces. Gin-akusaran ni Magbalot nga mga katapu sang New People’s Army ang ila naka-away. (AGB)