Acting Chief sang LTO Extension Office sa Barotac Viejo, nagpasalig nga aksyonan ang ginreklamo nga iregularidad sa ila opisina

Barotac Viejo, Iloilo — Ginpasalig ni Ms. Gwen Cejalvo, acting chief sang LTO Extension Office sa Barotac Viejo, nga aksyonan ang ginreklamo nga alleged corruption ukon irregularity sa ila opisina. Ipatawag ni Cejalvo ang tagreklamo agud makuha ang detalye sang iya reklamo kag ma-aktuhan gilayon. Suno kay Cejalvo, posible may nagagamit sang iya pangalan ukon nagamusing sa iya opisina bangud istrikto niya nga ginapatuman ang mga patakaran pareho sang pagbawal sa fixers. Una nga nagpalab-ut sang reklamo sa Aksyon Radyo si alyas Nardo sang Dumangas nga wala siya nakapasar sa exam agud makagawad sang driver’s license kag ginpahayag nga makapasar lang kon magbayad siya sang P1,200. (JoMaque)