Iloilo City — Posible nga makapresentar ang syudad sang duha ka position papers sa public hearing sang House Committee on Legislative Franchises sa petition sang renewal of franchise sang Panay Electric Company buwas sa aga.   Ginhimo nanday Councilors Joshua Alim kag Plaridel Nava ang una nga position paper nga nagahingyo sa komitiba nga i-deny ang renewal sang PECO. Na-isa-isa diri ang madamo nga reklamo kontra sa PECO pareho sang overbilling, billing nga wala sang actual reading sang kuntador, wala na-anunsyar nga brownouts, mahinay nga pag-akto sa reklamo sang mga konsumedor, gabok nga mga poste, arogante nga personnel kag indi pagrespeto sa Konseho. Gin-athag sang duha ka konsehal nga personal nila nga panindugan bilang mga konsumedor sang PECO ang kaundan sang ila position paper.

Sa position paper naman ni Councilor R. Leone Gerochi, ginapamatukan man ang renewal sang franchise sang PECO. Apang kon pasugtan ang renewal, dapat i-audit ang PECO kag i-require nga mangin public imbes magpabilin nga closed private corporation. Wala man nabotohan sa session sang Konseho kahapon kon i-adoptar nila ang position paper ni Gerochi.  Matambung ang tatlo ka konsehal sa hearing sa Kamara. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply