Homeowners sa Subdivision sa Pavia, nagreklamo sa pagpanghilo sa mga ido; nagadumala sa subdivision, magahimo sang imbestigasyon

Pavia, Iloilo — Nakalab-ut na kay Balabag, Pavia Punong Barangay Ariel Gerada ang reklamo sang homeowners sang Monticello Villas nga may nagpanghilo kag nagresulta sa kamatayon sang 20 ka mga ido sang Domingo sang aga. Gintawag na ni Gerada ang atensyon sang Monticello management sa natabu. Gin-athag ni Gerada nga wala sang coordination sa barangay ang natabu. Nagpa-athag naman ang tagdumalahan sang PRO-FRIENDS Iloilo nga naga-manage sang Monticello. Sa official statement nga ginpadala sa Aksyon Radyo ni Ms. Dina Estocado, General Manager sang PRO-FRIENDS Iloilo, nagahimo na sila sang imbestigasyon kon sin-o ang naghimo sang pagpanghilo. Ginpasalig sang PRO-FRIENDS ang publiko nga ipaguwa nila ang resulta sang imbestigasyon. (JoMaque)