Kura Paroko sang St. Ann Parish sa Molo, dapat magtuman sa mandu nga pagsaylo sa iban nga parokya

Iloilo City — Dapat nga magtuman sa mandu nga pagsaylo sa iban nga parokya si Father Esperidion ‘Boy’ Celiz, kura paroko sang St. Ann Parish Church sa Molo. Suno kay Father Joenick Teritorio, Episcopal Vicar kag Canon lawyer sang Archbishop Palace, kinahanglan sundon ni Fr. Celiz ang mandu ni Jaro Archbishop Angel Lagdameo bangud nag-agi sa ensakto nga proseso ang major reshuffling nga ginahimo kada anum ka tuig. Gin-athag ni Father Teritorio nga may kinamatarong si Father Celiz nga magsulat sa Roma agud ipabilin siya sa St. Anne Parish Church apang dapat sini tumanon ang mandu ni Archbishop Lagdameo bilang iya superior. Nagsabat si Teritorio sa petition sang mga taga-Molo paagi sa Facebook ilabe na ang nagalantaw sa FB live nga misa ni Father Celiz nga indi pag-isaylo ang pari. Sa Disyembre 3 maga-epekto ang major reshuffling sa mga parokya nga nasakpan sang Jaro Archdiocese. (JoMaque)