Pagkahilo sang mga coaches kag atleta sang Janiuay sa 3rd CDSA Meet sa Lambunao, imbestigaran sang Sangguniang Bayan sa Janiuay

Iloilo — Imbestigaran sang Sangguniang Bayan sa Janiuay ang pagkahilo sang 58 ka mga atleta kag 2 ka coaches nga kabahin sang delegado sang Janiuay sa 3rd Congressional District Schools Athletic Association (CDSA) Meet sa Lambunao. Ini ang ginkumpirmar ni SB Member Joven Barranco kasunod sang pa-aprobar sang Municipal Council sang iya resolution sa ila session sang lunes. Suno kay Barranco, indi lang dapat mangin bugal sang banwa ang mga atleta kundi dapat man hatagan sang importansya ang ila ikaayong lawas. Luyag hibaluon ni Barranco kon sin-o ang may kapaltahan sa insidente agud mahatagan sang leksyon kag makadihon sang ordinansa agud malikawan ang natabu. (JoMaque)