Pasyente sa WVMC, nagtuyo magpalagyo sa ospital matapos gin-abot sang nerbiyos

Iloilo City — Ginapatihan gin-abot sang nervous breakdown ang nabun-an nga pasyente sang Western Visayas Medical Center ukon WVMC gani nagtuyo nga magpalagyo sa ospital. Ginsumbag ni alyas Ben ang bantay sini kag nagpalagyo pero nagpangayo sang bulig ang bantay sa mga guwardiya sang ospital kag gindakop ang pasyente. Ginpahayag nga ginkagat pa ni Ben ang iya dextrose agud nga makapalagyo. Na-confine si Ben sa WVMC sang nagligad pa nga semana matapos nabun-an sa probinsiya. Nag-ayo naman ang management sang ospital nga indi paglawagon ang matuod nga pangalan ni alyas Ben. (JoMaque)