Bag-o nga position paper sang 7 ka councilors sa public hearing sa Kamara may kaangtanan sa franchise renewal sang PECO, ginkakibot ni Councilor Joshua Alim

Manila — Nakibot si Councilor Joshua Alim sang ginpresentar kahapon sa public hearing sang House Bill 6023 nga nagaduso sang renewal sang franchise sang Panay Electric Company ang position paper sang pito ka city councilors.   Wala sang ihibalo si Alim kag Councilor Plaridel Nava sa position paper bangud wala man natalakay sa regular session sang Martes. Ang position paper nagahinyo sa House Committee on Legislative Franchises nga resolbahon ang mga isyu sa renewal nga wala sang ginapaboran kag pirmado nanday Councilors Ed Peñaredondo, Jay Treñas, Love Baronda, Ely Estante, Mandrie Malabor, Liezl Salazar kag Reyland Hervias. Ginpahayag nga gin-email ang position paper kay Camiguin Congressman Xavier Jesus Romualdo nga sponsor sang House Bill 6023. Gintinguhaan sang Aksyon Radyo nga ma-interview ang pito ka konsehal angut sa naguwa nga position paper apang wala sang feedback halin sa ila.

Una na nga naghimo sang nga position paper sanday Councilors Alim kag Plaridel Nava nga nagapamatuk sa renewal bilang mga konsumedor sang PECO kag may position paper man si Councilor R. Leone Gerochi. Sang nagligad nga semana, nagpasar ang Konseho sang resolution nga nagapatuk sa renewal sang franchise sang PECO bangud sang mga reklamo. (JoMaque)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %