IPPO, nakabaton sang impormasyon sa plano nga pag-atake sa mga pulis antes ang ambush kag engkuwentro sa Brgy. Bolo, Maasin

Iloilo — May impormasyon nga nabaton ang Iloilo Police Provincial Office nga may presenysa sang New People’s Army sa nabukid nga lugar sang Maasin kag may plano nga pag-atake sa mga pulis antes ang ambush kag encounter sa Brgy. Bolo sa amo nga banwa sang Nobyembre 24 sang gab-i. Ginpaalerto man suno kay IPPO Director Marlon Tayaba ang mga pulis kag sa pagkamatuod, naghimo na sang operasyon sa kabukiran. Natabuan lang suno kay Tayaba nga nakaplastar ang NPA samtang papuli ang team nga naghimo sang combat operations sa kabukiran sang Barangay Dagami nga tupad sang Barangay Bolo. Napatay sa ambush si PO1 Joefel Odon, 31 anyos nga may pilas sa ulo samtang 10 ka pulis ang napilasan. (JoMaque)