Mga rebelde nga nag-ambush sa mga police sa Sibalom, Antique, ginadudahan nga gin-finance sang drug personality

Sibalom, Antique — Ginadudahan ni Police Inspector Clark Philip Dingco, hepe sang Sibalom Antique Police Station nga ginsuportahan ukon gin-finance sang isa ka drug personality ang mga miembro sang New People’s Army ang nag-ambush sa mga pulis sa Brgy. Pis-anan, Sibalom. Sa nakuha nga impormasyon ni Dingco sa mga pumuluyo sang Brgy. Pis-anan, may nakita sila nga mga tawo nga nagkadtu sa balay sang ginadudahan nga drug personality sang martes sang gab-i (November 21) upod sa pila ka barangay officials nga posible nagpanihapon kag nag-inom sang tubig.

Suno kay Dingco, nagsantu man ang pahayag sang mga pumuluyo sa gin-conduct nila nga imbestigasyon bangud may nakita sila nga mga bottled water sa kakahuyan na ginplastaran sang ginapatihan nga NPA. Ginsugid pa sang source ni Inspector Dingco nga ang iban nga unidentified persons nga naghalin sa balay sang ginapatihan drug personality ang indi pa gid sini mabuyagyag nga may bitbit nga bottles mineral water. (JoMaque)