(UPDATE) Pag-ambush sa mga katapu sang RMFB sa Maasin, gin-ako sang NPA

Maasin, Iloilo–Gin-ako sang New People’s Army nga ang Jose Percival Estocada Command, Central Panay ang nag-ambush sa mga katapu sang Regional Mobile Force Battalion sa Barangay Bolo, Maasin pasado alas-6 kagab-i.

Sa Facebook post sang Coronacion Chiva “Waling-Waling” Command nga political department sang NPA, ginpabugal sang grupo ang madinalag-on nga pag-ambush. Ginpabutyag man sang grupo nga wala sang casualties sa mga rebelde samtang isa ang patay kag 12 ang napilasan sa mga pulis.

Suno sa NPA, natabu ang ambush sa Maasin matapos gin-ambush man sang isa ka yunit sang Napoleon Tumagtang Command-Southern Panay ang mga tropa sang Sibalom, Antique Police Station sa Barangay Pis-anan, Sibalom. (AGB)