US citizen sa San Enrique, gindakup matapos nakuhaan sang marijuana

Iloilo — Gin-aresto ang US citizen nga gintudlo nagatanum sang marijuana sa Barangay Iprog, San Enrique.  30 ka puno sang marijuana ang natukiban sang mga agents sang Philippine Drug Enforcement Agency 6 nga natanum sa lote sa diin naga-istar si Ryan Roxas, 43-anyos. Suno kay PDEA 6 Director Wardley Getalla, gina-imbestigaran pa nila kon nagabaligya si Roxas sang marijuana.  Ginabanta 100 mil pesos ang balor sang marijuana ang nakumpiskar sa balay ni Roxas matapos ini ginserbihan sang search warrant kahapon sang aga. Lakip sa nakuha ang suspected dried marijuana leaves, marijuana plants kag marijuana seeds. (JoMaque)