Iloilo —  Ginapatihan halin sa extortion activities sang new peoples army ang pondo nga ginagamit sang grupo sa pagbakal sang mga eksplosibo kag armas agud nga makalunsar sang pagpang-ambush batuk sa government forces.   Kasunod ini sang pag-ambush sa mga miembro sang Regional Mobile Force Battalion sa Sitio Camansi, Barangay Bolo, Maasin.

Suno kay Iloilo Police Provincial Office Director Senior Supt. Marlon Tayaba, may narecover sila nga mga dokumento kag ebidensya nga makapamatuod sang pagpang-extort sang armado nga grupo. Gin-ehemplo ni Tayaba ang pagsunog sang mga rebelde sa dump truck Miagao SB member Ramon Nismal matapos nagbalibad nga maghatag sang revolutionary tax.  Makabig na nga terroristic activity ang ginahimo sang NPA suno kay tayaba bangud ginasabotahe sini ang ekonomiya sang isa ka banwa agud maka-extort sang kuwarta. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply