WVSU graduate, number 1 sa Licensure Examination for Teachers-Elementary level

Iloilo–Nagpangibabaw ang graduate sang West Visayas State University-Lapaz sa September 2017 Licensure Examination for Teachers Elementary level.

Sa resulta nga ginpaguwa sang Professional Regulations Board kaina, number 1 si Mary Clarence Madero sang Pavia nga may 88.80% rating. Sulod man sa Top 10 si Maria Victoria Lionne Hierro sang WVSU-Lapaz nga ara sa ikapito nga lugar nga may 87% rating.

Sa Secondary level, ika-anum naman ang graduate man sang WVSU-Lapaz nga si Franz Ian Solomon nga may 91.80% rating.

80, 509 ang nagkuha sang exam sa elementary level kag 21,198 ang nakapasar ukon 26.33% passing rate. 107, 020 naman ang nagkuha sa secondary level kag 49, 626 ang nakapasar ukon 46.37% passing rate. (AGB)