NPA, target sang gobyerno nga maubos antes magtapos ang 2018–DILG USec Año

Iloilo City–Target sang gobyerno nga maubos ang mga miembro sang New People’s Army antes matapos ang 2018.

Pahayag ini ni DILG Undersecretary Eduardo Año sa iya pag-abot sa Iloilo agud bisitahan ang mga pilason nga pulis sa ambush sa Sibalom, Antique kag Maasin sang damlag lang kag pagbisita sa hamyang sang napatay nga pulis sa Maasin. Suno kay Año, kinahanglan ang pagbuligay sang tanan nga sektor agud matapos na ang mga kalakasan sang mga rebelde.

Gin-athag naman ni Año nga hatagan sang tsansa ang mga rebelde nga luyag magbalik sa gobyerno. May nagahulat suno sa iya nga balay kag trabaho sa NPA member nga magsurrender kag ginahulat na lang ang executive order ni Presidente Rodrigo Duterte.

Tatlo ka pulis ang napilasan sa ambush sa Barangay Bontol, Sibalom, Antique. Napatay naman si PO1 Odon kag 10 pa ka pulis ang pilason sa ambush kag engkwentro sa Bolo, Maasin sang Nobyembre 24 sang gab-i. Pareho nga gin-ako sang New People’s Army ang natabu. (AGB)