Barangay tanod sa Ajuy, gintiro patay!

Ajuy, Iloilo–Patay ang barangay tanod nga gintiro sa Sitio Pulakan East, Barangay Luca kaina sang hapon.

Ginkilala ang biktima kay Tanod Rodolfo Graciano, 63-anyos sang amo man nga lugar. May pilas si Graciano sa ulo. Suno kay PSI John Van Gerzon Luspo, hepe sang Ajuy MPS, base sa ila pagpangusisa, nakasakay sa motorsiklo ang suspek nga nagpalagyo.

Gina-imbestigaran sang Ajuy police ang identity sang suspek kag motibo sa pagpatay sa tanod. (AGB)