Iloilo City–Naghiwat sang prayer assembly ang mga parishioners sa St. Anne Parish sa Molo bilang suporta kay Archbishop Angel Lagdameo kaina.

Kasunod ini sang mandu sang Arsobispo nga pag-reshuffle sa kaparian sa mga parokya nga nasakpan sang Archdiocese sang Jaro. Nagtambong sa aktibidad si Archbishop Lagdameo; Episcopal Vicar Father Joenick Territorio kag Monsignor Jomarie Delgado, ang Episcopal Vicar on Pastoral Affairs.

Suno sa organizer nga si Donella Samodio, nagalaum sila nga matandog ang tagipusuon ni Father Esperidion “Boy” Celis kag tumanon ang mandu sang arsobispo. Madugay na nabaton sang mga parokyano sang St. Anne Parish nga nagakatabu ang reshuffling sang kaparian kada anum ka tuig gani nahangpan nila ang mandu sang Arsobispo.

Ginahingyo naman ni Michael Villanueva sang Katilingban, Molo si Father Celis nga magsunod sa mandu ni Archbishop Lagdameo. Suno kay Villanueva, dapat mangin ehemplo ang pari sa iya mga parokyano.

Samtang nagpasalamat si Archbishop Lagdameo sa iya mga supporters nga nag-upod sa prayer assembly. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply