Iloilo–High risk sa pag-atake sang New Peoples Army ukon NPA ang 16 ka banwa sa probinsya suno kay Iloilo Police Provincial Office Director Marlon Tayaba.

Apang ginpasiguro ni Tayba nga may mga estratehiya na ang police stations sa 16 ka banwa agud mapabilin ang kalinong kag katawhay sa ila area of responsibility.

Ginpa-alerto na ang police stations sa gintumod nga mga banwa nga ginabug-usan sang San Joaquin, Miagao, Igbaras, Tubungan, Leon, Alimodian, Maasin, Badiangan, Janiuay, Lambunao, Calinog, San Rafael, Lemery, Balasan, Bingawan kag Passi City.

Ang nasambit nga mga lugar suno kay Tayaba ang mahapos palagyuhan sang mga rebelde pakadto sa ila mga base. Ginpabutyag naman ni Tayaba nga ginaseryoso nila ang mga impormasyon nga mabaton may kaangtanan sa pag-atake sang mga rebelde bisan wala pa sang konfirmasyon. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply