Police Regional Office 6, madugay na ginapanghandaan ang pagbalik sang anti-drug war sa PNP antes pa ang announcement sang Malacañang
Read Time:1 Minute, 48 Second
Iloilo City — Ginapanghandaan na sang Police Regional Office 6 ang pagbalik sa anti-illegal drug operations antes pa ang announcement sang Malacañang nga ginpirmahan ni Presidente Rodrigo Duterte ang Administrative Order nga nagapahanugot sa PNP sa pagbalik sa war on drugs. Apang PDEA gihapon ang lead agency sa mga operasyon. Suno kay PRO 6 Director Cesar Hawthorne Binag, ginatutukan ang ma-id-id nga proseso sa pagpili sang mga miembro sang Drug Enforcement Units halin sa region panaug sa municipal police stations. Na-istoryahan man ang mga trainings sa mangin miembro sang DEU lakip na ang human rights training. Ginpasalig naman ni Binag nga all-out ang ila suporta sa Philippine Drug Enforcement Agency bilang lead agency sang anti-illegal drug operations. Ginahulat na lang sang PRO 6 ang guidelines sang Camp Crame sa ila liwat nga pag-upod sa mga operasyon batuk sa illegal nga druga.
Drug Enforcement Units
Maga-agi sa ma-id-id kag istrikto nga proseso ang mangin miembro sang Drug Enforcement Units sa pagbalik sang Philippine National Police sa war on drugs. Suno kay Police Regional Office 6 Director Cesar Hawthorne Binag, siguraduhon nila nga magasunod sa standard ni Presidente Rodrigo Duterte kag PNP Chief Director General Ronald Dela Rosa ang mangin bag-o nga miembro sang DEUs halin sa regional level tubtob sa municipal police stations. Indi man automatic suno sa iya nga makasulod sa drug enforcement units ang mga daan nga miembro antes pa ginhatag sa Philippine Drug Enforcement Agency ang anti-drug operations.
Body cameras
Plano sang Police Regional Office 6 nga magbakal sang body camera nga isuksok sang mga pulis sa anti-illegal drug operations kag iban pa nga police operations. Na-istoryahan ini sa command conference kahapon suno kay PRO 6 Director Cesar Hawthorne Binag. Mas maayo suno kay Binag kon may body camera ang mga operatiba agud makita kon nagasunod sila sa police operational procedures sa mga operasyon. Ang pahayag ginhimo ni Binag matapos ginkonfirmar ni Presidential Spokesman Harry Roque nga ginpasugtan ni Presidente Rodrigo Duterte ang pagbalik sang PNP sa war on drugs. May pila na ka police stations sa pungsod nga nagagamit sang body camera. (JoMaque)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
Bangkay ginhal-id sa kilid sang karsada sa San Joaquin
ILOILO — Nasapwan ang bangkay sang lalaki nga ginhal-id sa kilid sang karsada sa Brgy. Qui-anan, San Joaquin kaina sang...
21 anyos nga gin-report nalumos sa Arevalo nakapauli na sa ila balay
ILOILO CITY — Nakapauli na si John Mark, ang 21-anyos nga una gin-report nalumos sa Zone 3, Sto. Niño Sur,...
Factory sang Molo wrapper, miswa sa Oton nga nasunog sang Abril naguba sang ginlabayan sang buhawi
ILOILO – Naguba liwat ang factory sang Molo wrapper kag miswa sang ginlabayan sang buhawi sa Brgy. Abilay Sur, Oton...
Detour road sa idalum sang Oyungan bridge sa Miagao temporaryo nga indi maagyan sang mga dalagku nga salakyan tungod sang mataas nga level sang tubig
ILOILO -- Temporaryo nga indi maagyan ang detour road sa idalum sang Oyungan Bridge sa Miagao tungod sang pagtaas sang...
11 ka mga senador personal nga ginhatagan ni Pavia SB member Pyt Trimañez sang kopya sang resolution nga nagahingyo nga imbestigaran ang kontrobersyal nga Ungka flyover
Onse ka mga Senador ang nakabaton sang resolusyon sang Pavia Sangguniang Bayan angut sa pag-conduct sang Senate inquiry in aid...
73-anyos nga babaye nga una gin-report nga missing sa New Lucena patay na sang nakit-an
ILOILO -- Patay na sang nakit-an ang 73-anyos nga babaye nga una gin-report missing sa Brgy. Baclayan, New Lucena. Ginkilala...
Average Rating