Tricycle driver nga ginatudlo nangawat sang mga kabilya sa Megaworld Mandurriao, arestado

Iloilo City —  Arestado ang tricycle driver nga ginpahayag nangawat sang ginabanta 25 ka kabilya sa Megaworld, Mandurriao. Ginkilala ang ginreklamo kay Andres Delawis Jr, 35-anyos sang Sta. Cruz, Arevalo. Suno kay Andres, may nag-okupar sa iya nga lalaki kag nagtransaksyon nga mapadul-ong sa Jaro sa balor nga P300. Ginpabutyag sang driver nga wala siya nakabalo nga kinawatan ang mga kabilya nga ginkarga sa iya tricycle. Nadakpan sang mga personnel sang Megaworld si Delawis sa Nabitasan, Lapaz. Nakapalagyo naman suno kay Delawis ang lalaki nga nag-okupar sa iya gamit ang dala niya nga bike. Sa imbestigasyon sang Mandurriao police, si Delawis lang ang naabtan sa lugar sang nag-abot ang mga personnel sang Megaworld. (JoMaque)