Jaro ABC, naghingyo sa City Council nga siraduhan ang Jaro plaza para sa 2018 Jaro Agro-Industrial and Charity Fair

Iloilo City — Nagahingyo ang Jaro Association of Barangay Captains (ABC) sa City Council nga pasiraduhan ang Jaro plaza halin Enero 1 tubtub Pebrero 2 para sa 2018 Jaro Agro Industrial and Charity Fair kag wala sang entrance fee nga kolektahon. Apang ginkuwestyun ni Councilor Plaridel Nava ang resolution nga ginpasar sang Jaro ABC nga ginpresentar ni Councilor Jay Treñas. Suno kay Nava, violation sa panindugan sang konseho nga wala sang pasiraduhan nga mga plaza ang paghingyo sang Jaro ABC. Gin-note down naman sang konseho ang resolution sang Jaro ABC.  (JoMaque)