Pagduso sang bike lane sa mga dalanon sa syudad, gintawag nga balingag ni ICLAJODA President Boyet Parcon
Iloilo City — Gintawag nga balingag ni Iloilo City Loop Alliance of Jeepney Owners and Drivers Association (ICLAJODA) President Raymundo “Boyet” Parcon ang proseso nga ginaduso ni Councilor Jay Treñas angut sa pagbutang sang bike lane sa pila ka dalanon sa syudad. Reaksyon ini ni Parcon sa pahayag ni Treñas nga tapuson anay ang proyekto antes magpasar sang ordinansa agud maregulate ang nagagamit sang bike lane.
Suno kay Parcon, dapat nga nakonsulta kuntani ang mga posible maapektuhan nga sector agud indi mauyang ang kuwarta sang gobierno pananglitan indi mapuslan ang proyekto.
Una na ginpahayag ni Parcon nga impractical ang bike lane bangud magluwas nga makitid ang dalan, kulang man sa political will ang syudad agud istrikto nga ma-implementar ang traffic ordinances. (JoMaque)