Iloilo City – Nagsugod kagab-i sa paglibot sa syudad ang Public Safety and Transportation Management Office nga ginapamunuan ni Mr. Jeck Conlu agud i-implementar ang Executive Order Number 146 ni Mayor Joe Espinosa nga magapasirado sang tanan nga bars, night clubs, disco bars, resto bars kag iban pa nga kapareho nga establisemento pag-abot sang alas-2 sa kaagahon.

Gin-isa-isa ni Conlu upod sa iya halos 30 ka tinawo ang gintumod nga mga establishments kag ginhatagan sang kopya sang EO kagab-i kag ginbalikan sang kaagahon. Posible suno kay Conlu nga sugod buwas, istrikto na nga i-implementar ang mandu sang alkalde.

Base sa EO Number 146 series of 2017, dapat manirado ang gintumod nga mga establisemento halin alas-2 sa kaagahon tubtob alas-8 sa aga. Exempted naman sa EO ang mga hotels/motels, resorts nga accredited sang Department of Tourism, restaurants apang dapat nga indi na magserbe sang ilimnon halin alas-2 sa kaagahon tubtob alas-8 sa aga kag convenience store nga mahimo makabaligya apang indi dapat pagpasugtan ang ila customers nga mag-inom sa area sa gintumod nga mga oras.

Magapangatubang sang penalidad ang violators.

(ATT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply