Mga ordinaryo nga pumuluyo, indi pag-ilakip sa survey sa magabug-os sang Drug Enforcement Teams
Iloilo — Indi na kinahanglan i-survey ang ordinaryo nga mga pumuluyo sang komunidad sa pagpili sang mangin miembro sang bag-o nga Drug Enforcement Teams. Suno kay Iloilo Police Provincial Office Director Marlon Tayaba, ginpakamaayo nga ang mga miembro sang Barangay Anti-Drug Abuse Council (BADAC) kag Municipal Anti-Drug Abuse Council (MADAC) ang i-survey bangud may kredibilidad man sila kagginarespeto.
Ginpahayag ni Tayaba nga naghalin sa Police Regional Office 6 ang survey form nga ginpanagtag sa BADAC kag MADAC. Una na nga ginpahayag ni PRO 6 Spokesperson Gilbert Gorero nga random sila nga magakuha sang respondents sa komunidad agud magbulig sa mga pulis sa pagpili sang bag-o nga anti-illegal drug operatives. (JoMaque)