Panay Electric Company, naghiwat sang Consumers’ Forum upod ang mag-amay nga Atty. Romeo Gerochi kag Councilor R Leone Gerochi
Iloilo City — Naghiwat sang Consumers’ Forum ang PECO upod kanday Councilor R Leone Gerochi kag iya amay nga si Atty Romeo Gerochi sa mga konsumidor kahapon. Suno kay Gerochi, ini agud mapadasig ang pagsolbar sang mga reklamo sang mga konsumidor. Madugay suno sa iya ang proseso kun may mabaton siya nga reklamo bangud paagi sa sulat ang ila sabtanay. “This is to do away other problems nga pwede masolbar sa amo ni nga lebel.”
Ginpahayag sang konsehal nga ginhambalan nila ang PECO nga maghiwat sang Consumers’ Forum para sa mga reklamo kag sila ang mangin representante sang mga konsumidor. Tinguhaan man nanday Gerochi nga himuon kada Byernes ang meeting agud masabat ang problema sang mga pumuluyo. Gin athag sang konsehal kag sang iya amay nga wala sila naga apin sa PECO kag wala man sila ginbayaran. (JoMaque)