Walo ka barangay sa Iloilo, nabahaan bangud sang Bagyo Urduja   

Iloilo–Walo ka barangay sa probinsya ang nabahaan bangud sang pag-ulan dala sang Bagyo Urduja.

Sa record sang Office of Civil Defense 6, lima ka barangay sa Concepcion kag tatlo sa Balasan ang ginbaha samtang 203 ka pamilya ukon 828 ka indibidwal ang apektado. Suno sa DSWD, nagpanghatag sila sang food packs sa 187 ka pamilya sa Concepcion.

Wala naman sang ginbaha nga lugar sa syudad suno kay Mr. Darwin Papa sang City Disaster Risk Reduction and Management Council. (AGB)