MIWD general manager, nagpa-athag kon ngaa nagsulod sa joint venture agreement upod sa Metro Pacific Water Investment Corporation

Iloilo City–Gin-ako sang general manager sang Metro Iloilo Water District nga indi nila masarangan ang rehablitasyon kag expansion sang ila distribution lines gani nagsulod sa joint venture agreement sa Metro Pacific Water Investment Corporation.

Suno kay General Manager Imelda Magsusi, indi nila masustenir ang ila operational expenses magluwas pa nga may inflation. 13 ka tuig na ang nakaligad suno kay Magsusi sang pinaka-ulihi nga nagpasaka sila sang presyo sa water supply.

Ginpa-athag naman ni Magsusi nga indi privitization ang ila transaksyon sa MetroPac kag pagkaligad sang 25 ka tuig, i-take over sang MIWD ang proyekto kon indi pag-irenew sang MetroPac ang ila kontrata.

Gin-install na ang main line para sa dugang nga water supply kag ginalauman nga makapatubod ang MIWD sa Disyembre 26 ukon 27.

‘Mas masangkad nga operasyon’

Mas madamo ang mahatagan sang water supply sa syudad paagi sa 12.3 billion peso-joint venture agreement.  Suno kay Magsusi, adlaw-adlaw na nga mapatubdan imbes nga tatlo ka beses lang kada semana sa Mandurriao, Molo kag Arevalo. (AGB)