Iloilo City–Magahatag sang presentasyon ang tagdumalahan sang Metro Iloilo Water District sa session sa City Council kag sa mga banwa nga sakop sang ila serbisyo agud magpa-athag sa 12.3 billion-peso Joint Venture Agreement upod sa Metro Pacific Water Investment Corporation.

Suno kay MIWD OIC General Manger Marjo Castro, ang lihok ang kabahin sang ila information dissemination agud mapabalo ang ila mga plano kag programa. Natalana magpresentar ang MIWD sa session sa City Council sa Enero 9, 2018.

Sakup man sang service areas sang MIWD ang Oton, Maasin, Cabatuan, Sta. Barbara, Pavia, San Miguel kag Leganes.

Sang damlag lang, nagpadala si Mayor Joe Espinosa sang cease and desist notice sa MIWD kag ila board kasunod sang ruling sang Korte Suprema sa kaso sang Metropolitan Cebu Water District nga nagadeklarar nga unconstitutional ang portion sang Presidential Decree 198 nga nagatumod sa appointing authority sa Board of Directors sang water districts. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply