Total ban sang palupok sa pagsug-alaw sang bag-ong tuig, gindeklarar ni Sinikway, Lapuz Punong Barangay Felix Ventura sa ila barangay

Iloilo City–Nagdeklarar si Sinikway, Lapuz Punong Barangay Felix Ventura sang total ban sang firecrackers sa ila barangay.

Suno kay Ventura, wala sang area sa ila barangay nga mahimo madesignar nga firecracker zone base sa implementing rules and regulations sang Executive Order 28 ni Presidente Rodrigo Duterte nga naga-regulate sa mga palupok kag pyrotechnics. Ginpa-athag sang kapitan nga wala gid sang lugar sa ila nga 100 metros ang kalayuon halin sa mga pamalay.

Ma-monitor ni Ventura sa New Year’s eve tubtob sa Enero 1 agud madakpan ang mapalupok sang firecrackers sa ila barangay. (AGB)