Duha lang ka barangay sa syudad, nakadesignar sang firecracker zone

Iloilo City–Duha lang ka barangay sa 180 ka kabarangayan sa siyudad ang may na-identify nga firecracker zone.

Suno kay Iloilo City Fire Marshal Fire Chief Inspector Bartolome Biliran, ang Banuyao kag San Isidro pa lang sa Lapaz ang may naidentify nga lugar sa diin puwede makapalupok ang pumuluyo sa pagsug-alaw sang bag-ong tuig. Sa iban nga barangay nga wala sang nakita nga lugar nga puwede idesignar nga firecracker zone, ginpahayag ni Biliran nga mas maayo kun magkadto ang mga ini sa plaza sa ila distrito nga gindesignar ni Mayor Joe Espinosa nga firecracker zone.

Base sa kasuguan, dapat nga open area ang lugar nga idesignate nga firecracker zone, 100 feet ukon 30 meters ang kalayuon halin sa pamalay, may nahanda nga tubig para sa kalayo kag may nagabantay nga bombero kag police. (AGB)