Hepe sang Mandurriao Police Station, indi mag-deploy sang mga pulis sa 4 ka police outpost sa Smallville area kon wala pa sang blinkers

Iloilo City — Indi mag-deploy sang mga pulis si Chief Inspector Juvy Navales, hepe sang Mandurriao Police Station, sa mga ginpahamtang nga police outposts sa Smallville area kon indi pagtumanon sang mga negosyante ang ila nga ginpasalig. Sa nadumduman ni Navales, nagpasalig ang mga negosyante nga magbutang sang apat ka police outposts nga may blinkers, mabutang sang mga security guards sa entrance kag exit sang Smallville kag ipatuman ang one establishment-one security guard-on-duty.

Suno kay navales, natuman palang sang mga negosyante amo ang apat ka police outposts nga wala pa mabutangan sang blinkers. Plano ni navales nga listahon ang mga commercial establishments nga wala nag-comply kag magahimo sang report nga ipasa kanday  ICPO Director Henry Biñas kag San Rafael, Mandurriao punong brgy Azucena Tabuyoc para indi mahatagan sang brgy clearance ang mga negosyante nga maga-renew sang ila business permit. (JoMaque)