Manug-isa ka bulan nga lapsag, patay sang ginhulog sa salog sang hubog niya nga amay

Negros Occidental — Patay ang manug-isa ka bulan nga lapsag matapos ginhulog sang iya hubog nga amay sa salug sa Barangay Basak, Cauayan, Negros Occidental.  Suno kay Senior Inspector Gary Alan Resuma, hepe sang Cauayan Police Station, naakig ang hubog nga si alyas Lito bangud nagahibi ang bata samtang nagabaisay sila sang iya asawa. Ginpahayag nga ginkuha sini ang lapsag kag ginhulog sa salug nga nagresulta sa kamatayon sang bata.

Preso si Lito sa Cauayan Police Station kag nagapangatubang sang kaso nga parricide. Nagaguwa sa imbestigasyon sang mga pulis nga masami naga-inaway si Lito kag iya asawa bangud pirme nga hubog ang suspek. (JoMaque)