Iloilo City — Ginpreparahan sang Iloilo City Alliance of Jeepney Owners and Drivers Association ukon ICLAJODA kag Confederation of Iloilo Jeepney Owners and Drivers Association ukon CIPJODA ang pagpatuman sang Jeepney Modernization Program sa masunod nga tuig.   Suno kay ICLAJODA President Raymundo “Boyet” Parcon, nagtukod sila sang kooperatiba.  Masakit suno sa iya sa mga operators bangud kinahanglan ang pito ka milyon ka pesos nga capital kag dapat may 10 ka bag-o nga units sang jeep agud mahatagan sang franchise sang Land Transportation Franchising and Regulatory Board.

Gina-lobby sang grupo nanday Parcon sa Department of Transportation nga hatagan sila sang accreditation nga sila ang mapasad sang ila bag-o nga units. Nagpakig-angut na suno kay Parcon ang isa ka kompaniya nga magbulig sa ila kon pasugtan sang DOTr. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply