Lalaki, patay matapos nalumos sa suba sa Calinog

Iloilo City— Patay ang 29-anyos nga lalaki matapos nalumos sa suba sa Barangay Alibunan, Calinog. Ginkilala ni PO2 Vincent Gascon sang Calinog Police Station ang napatay kay Jose Vito Castor, pumuluyo man sang nasambit nga lugar. Ginpahayag nga manugpauli na si Castor upod ang iya mga pakaisa alas 12 sang hapon halin sa suba nga nagpanagyap sang isda sang nakadanlog kag gin-anod sang mabaskog nga daludo sang tubig. Pagkaligad sang 2 ka oras, nakit-an si Castor nga nagsampay sa Sitio Lunok, Barangay Alibunan. Gindala si Castor sa Calinog District Hospital apang wala gid natabangan. Madamo sang pilas sa lawas si Castor nga ginapatihan nakabunggo sa dalagko nga mga bato suno kay PO2 Gascon. (JoMaque)