Iloilo City —  Manubo ang firecracker-related injuries kag stray bullet incident nga narecord sa Western Visayas sa pagsug-alaw sang bag-ong tuig kon ikumparar sang nagligad nga tuig suno kay Police Regional Office 6 Spokesperson Gilbert Gorero.   Apang magapadayon suno kay Gorero ang pagmonitor sang PRO 6 upod sa Department of Health 6 tubtob sa Enero 5. Tubtob Enero 1, 61 ang narecord nga firecracker-related injuries, mas manubo sa 189 sang nagligad nga tuig. Daku gid ang nabulig suno kay Gorero sang media agud mapabalo sa publiko ang mga dapat kag indi dapat himuon.

May narecord suno kay Gorero nga isa nga natup-an sang matig-a nga bagay sa Buruanga, Aklan apang gina-verify kon kaso ini sang stray bullet. Mas manubo ini sa 20 nga narecord sang nagligad nga tuig.

Sa pihak nga bahin, 14 ang nadakpan nga nagpalupok sang firecrackers sa indi designated nga lugar samtang nagaselebrar sang bag-ong tuig—lima diri ang halin sa Passi City, lima halin sa Iloilo City, apat sa Bacolod City. Pasakaan sang kaso ang mga nadakpan suno kay Gorero. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply