Western Visayas Regional Athletic Association (WVRAA) Meet 2018 sa Pebrero, isaylo sa Iloilo halin sa Capiz suno sa DepEd 6

Iloilo City — Indi na madayon ang natalana nga Western Visayas Regional Athletic Association (WVRAA) Meet 2018 sa Capiz sa Pebrero. Ini ang ginkumpirmar ni Dr. Amelita Pitalgo, OIC Education Support Services Division sang DepEd 6 bangud indi pa preparado ang oval nga lakip sa mga facilities nga gamiton sa nasambit nga kompetisyon. Suno kay Pitalgo, isaylo sa Iloilo ang WVRAA. Nag-ayo suno sa iya ang provincial government paagi kay Governor Arthur Defensor nga kun mahimo, sa katapusan sang semana sang bulan ang kompetisyon bangud kinahanglan man nga ipreparar ang mga kinahanglan.

Sang nagligad nga tuig, gin-host sang Antique ang WVRAA 2017 Meet.  (JoMaque)