Congressman Jerry Treñas, ginpapanaugan sang 90 ka adlaw nga preventive suspension sang Sandiganbayan

Iloilo City — Ginkumpirmar ni Iloilo City Lone District Cong. Treñas nga nabaton sang iya mga abogado ang minute resolution sang Sandiganbayan nga nagabutang sa iya sa 90 ka adlaw nga preventive suspension. Nag-ugat ang desisyon sa kaso nga ginfile sa iya sa Sandiganbayan sang 2003 sang siya pa ang mayor. Angut ini sa P500,000 nga financial assistance ni Senator Loren Legarda sa ginpatindog nga Iloilo Press Club building nga ginpa-agi sa City Government.Iindi na madiskusyunan ang merito sang kaso suno sa kongresista bangud nga ara na sa korte apang iya ginpasiguro nga legal ang transaksyon. Sundon naman ni Treñas ang mandu kon i-serbe na sa iya bangud kabahin ini sang judicial process. Wala pa sang ideya si CongressmanTreñas kon san-o maga-epekto ang suspension order. (JoMaque)