Pagbaligya sang mga kiosko para sa 50th Dinagyang Festival, masugod subong nga adlaw
Iloilo City — Masugod subong nga adlaw ang pagbaligya sang mga kiosko para sa Dinagyang Festival 2018. Suno kay Iloilo Dinagyang Foundation Incorporated kiosk-in-charge Joeffrey Agilles, 2.5 meters by 3 meters ang kalaparon sang kiosko sa balor nga P2,000. Tag-duha ka kiosko lang ang pwede nga makuha sang kada vendor. I-require ang mga street vendors nga magkuha sang permit agud makabaligya apang dapat nga mag-fill up sang agreement form nga responsibilidad sang kada vendor ang pagmentinar sang katinlo sa ila area. Ibutang ang mga kiosko sa Iznart, Valeria kag Solis streets. (JoMaque)