Iloilo City — Nagpa-athag ang presidente sang Association of Stall Owners and Transient Vendors of Iloilo City Public Market, Incorporated ukon ASTRAVEN sa natabu nga tension sa ginpatawag nga meeting ni Iloilo Central Market Market-In-Charge Susana Zamora.  Ginpahayag ni Mr. Rex Donasco nga patago kag selective ang imbitasyon sa mga vendors bangud wala siya napabalo. Base sa sulat nga, nabutang nga tuyo sang sinapol ang reorganization sang mga vendors apang ginkwestyun ini ni Donasco sa sinapol bangud wala suno sa iya sang jurisdiksyon si Zamora sa vendors association. Nag-init ang sitwasyon suno kay Donasco matapos nagsaligbat si Mr. Jury Porquia samtang nagasabat siya kay Zamora. Ginpahayag ni Donasco nga wala siya nakahibalo kon ngaa nagtambung si Porquia bisan indi siya vendor kag wala man sang pwesto sa Central Market. Ang duha ka asosasyon sa Central Market amo ang ASTRAVEN kag Association of True Independent Group of Vendors ukon ASTIG. Wala sang sinapol nakapatapos si Donasco bangud naguwa na siya sa venue kasunod sang ila pagsabtanay ni Porquia.

Suno naman kay Porquia, nagtambung siya sa meeting bangud gin-imbitar siya ni Zamora bilang appointed official sang National Anti-Poverty Commission.  Ginpahayag ni Porquia nga naghambal siya sa mikropono bangud ginpasugtan man siya ni Zamora. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply