(UPDATE) Pamilya sang empleyada sang Sara Municipal Government nga gintiro patay sa Concepcion, wala nakakilala sa suspek

Iloilo–Indi kilala sang mga himata sang empleyada sang Sara municipal government nga gintiro-patay sa Lorry’s Refreshment sa Poblacion, Concepcion kagab-i ang suspect sa krimen.

Suno kay Chief Inspector Abner Jordan, nakuha sang CCTV camera sa establishmento ang itsura sang suspect sang nagsulod siya kag gintiro si Mae Luzuriaga, 53-anyos sang Poblacion Ilawod, Sara. Gindala pa sa Sara District Hospital ang biktima apang gindeklarar nga napatay bangud sang pilas sa likod lapus sa dughan.

Ang suspect ang ginapatihan naga-ead 19 tubtob 23-anyos, slim ang panglawason kag 5’3 tubtob 5’4 ang kataasun.

Indi pa matumod sang pulis kon may iban nga kaupdanan ang suspect nga gilayon nga nagpalagyo sakay sa itum nga motorsiklo matapos ang krimen. (AGB)