Iloilo City — Nagpa-andam si Jaro Association of Barangay Captains (ABC) President Leo Lindero nga ipadakup si Benedicto, Jaro Barangay Kagawad Abelardo Salting kon padayunon sini ang pag-harass sa mga nagabaligya sa guwa sang Jaro Plaza angut sa Jaro Agro-Industrial and Charity Fair.   Nagbaisay kahapon sanday Lindero kag Salting matapos gintuyo sang ulihi nga ipaguba ang mga kiosko sa kilid sang dalan.  Ginrason ni Salting nga may barangay ordinance sila nga nagabawal sa pagbaligya sa kilid sang dalan.

Suno kay Lindero, naghambal lang si Salting nga wala siya sang labot sa Executive Order Number 2 series of 2018 ni Mayor Joe Espinosa nga nagapahanugot sa pagbaligya sa Rizal Street sa guwa sang Jaro Plaza para sa Jaro Agro-Industrial and Charity Fair. Ginpahayag ni Lindero nga ginlaygayan siya ni Public Safety and Transportation Office Head Jeck Conlu nga ipadakup si Salting kon magpamwersa gid si Salting kag mga opisyal sang Benedicto nga kakason ang mga kiosko. Nagbukas kahapon ang Jaro Agro-Industrial and Charity Fair angut sa kapiestahan sang Jaro sa Pebrero 2. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply