Iloilo   — Yara sa maayo nga  kahimtangan ang mag-utod nga mangingisda nga taga-Tigbauan nga namissing matapos naglayag sang Disyembre 30, 2017.  Suno kay Reyland Fernandez, 24-anyos sang Brgy. Baguingin, nagtabog ang cross joint kag elisi sang ila sakayan pandagat rason nagpa-utaw utaw sila sang utod nga si Renilo, 22-anyos sa tunga sang kalalawran sang Iloilo kag Guimaras tubtob nga nakalab-ot sa Palawan. Enero 6 sang narescue ang mag-utod matapos sila nalabayan sang fishing boat nga naga-survey sa baybayun sang Palawan. Ginpahayag ni Reyland nga sa walo ka adlaw, wala sila sang may ginkaun kag nagasalud lang sila sang ulan para may ma-inom.

Suno kay Renario Baldoman, kapitan sang fishing boat, yara sila subong sa isa ka isla sa Narra, Palawan kag naka-contact naman sa iya ang Philippine Coast Guard. Natalana kadtuan sang Bantay Dagat ang mag-utod sa lugar kun magnami na ang tyempo suno kay Baldoman. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply