Iloilo City–Daku nga bulig ang Innovation and Technology Support Office ukon ITSO nga ginbuksan sa University of San Agustin kaina agud mapangapinan ang mga obra, research kag imbensyon.

Suno kay Rev. Father Frederick Commendador, presidente sang USA, may pamahug nga ma-abusuhan ang intellectual property rights kon indi mabuligan sang gobyerno. Sa bulig sang ITSO, mabuligan suno sa iya ang mga manunudlo, estudyante kag sin-o man nga luyag mapasa-legal ang ila ginpangabudlayan.

Nagpasalig sang suporta sa proyekto si Atty. Josephine Santiago, Director General sang Intellectual Property Office of the Philippines nga nangin bisita sang programa. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply