Pototan, Iloilo–Ginpangunahan ni House Speaker Pantaleon Alvarez ang oathtaking ceremony sa PDP Laban sang mag-amay nga Governor Arthur Defensor, Congressman Toto Defensor kag Board Member Lorenz Defensor sa Pototan Astrodome kaina sang aga.

Masobra apat ka libo ka local leaders nga ginalakipan sang mga mayors, vice mayors, Sangguniang Bayan members kag punong barangays ang nag-upod man sa pagsumpa. Nagtambong sa oathtaking sanday Iloilo City Lone District Congressman Jerry TreƱas, 1st District Cong. Richard Garin kag Congresswoman Geraldine Roman.

Antes ang oathtaking, may ginhiwat nga lecture angut sa federalism sa diin gin-istoryahan ang mga benepisyo nga makuha sang local government units kon ma-amendahan ang konstitusyon.

Samtang sa iya speech, gindayaw ni Governor Defensor si Duterte bangud sa kaisog sini nga awayon ang seryoso nga mga problema sang pungsod pareho sang illegal drugs kag terorismo. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply