Iloilo City — Nagreklamo ang 20-anyos nga babaye sa Mandurriao nga gin-abduct siya sang iya 65-anyos nga lalaki nga kahagugma pasado las onse kagab-i apang naluwas. Suno kay Chief Inspector Juvy Navales, hepe sang Mandurriao Police Station, nagalakat ang tagreklamo nga si alyas Inday, service crew sa isa ka fast food chain upod ang iya abyan sa Brgy. Bolilao sang hinali lang sila ginpondohan sang Toyota FX.  Hinali lang ginpilit sakay sang driver si Inday sa salakyan rason gilayon nga nagreport ang iya abyan sa pulis.
Na-intercept ang salakyan sa Jaro kag nadakpan ang driver sini nga si alyas Nonoy.  

Sa imbestigasyon sang pulis, nadiskubrehan nga magkahagugma sanday Inday kag Nonoy. Ginpahayag ni Inday nga indi na siya kay Nonoy bangud ginasakit siya apang nagapamilit sa gihapon ang ginreklamo.  Preso sa Mandurriao Police Station si Nonoy. Nagpamalibad nga maghatag sang statement ang magtimbang nga kampo. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply