Masobra 900 ka mga pulis, nag-augment na sa ICPO para sa Dinagyang Festival

Iloilo City — Ginsuguran na sang Iloilo City Police Office ang deployment sang mga pulis nga maga-mentinar sa kalinong kag katawhay sa Dinagyang Festival 2018.  Kasunod ini sang pagturn over sa ICPO sang 904 ka mga pulis nga kabahin sang augmentation force para sa kahiwatan.    Una na ginpahayag ni ICPO spokesperson Shella Mae Sangrines nga gintemprano ang deployment bangud target sang ICPO ang zero incident sa Dinagyang Festival.  Magapahamtang sang command center ang Police Regional Office 6 sa ibabaw sang opisina ni Lone District Congressman Jerry Treñas agud makita ang sitwasyon kag deployment sang mga pulis sa kada sector.

May ibutang man nga advance command post sa likod sang iloilo freedom grandstand nga amu ang maga-monitor sang sitwasyon sang tanan nga judging areas. (JoMaque)