Preso sang BJMP nga Ginatudlo Nagapanag-iya Sang Suspected Shabu Nga Narecover Sa Duha Ka Menor Sa Buy Bust Operaiton Sa Arevalo, Nanginwala Sa Akusasyon Batuk Sa Iya
District of Jaro – Gin-ako sang inmate sang BJMP-Ungka nga si Werjun Tanate nga kilala niya ang duha ka menor-de-edad nga nadakpan sa drug bust operation sa Sooc, Arevalo sang sabado. Apang ginpanghiwala sini nga iya stocks ang ginabaligya nanday alyas Angela kag alyas Jeffrey, lunsay 17 anyos sang Project 5 Sooc, Arevalo.
Lakip na dire ang narecover nga mga sachets sang suspected shabu sa nadakpan nga drug personality nga si Virgilio Imperio sang Brgy. Abilay Norte, Oton.
Nakuha kay Tanate ang cellphone nga suno sa iya ginbilin sa iya sang inmate nga ginbiyahe na sa bilibid sang disyembre.
Suno kay Jail Supt Vicente Papilera, warden sang BJMP Ungka, iga-turn over niya sa BJMP regional office ang cellphone ni Tanate para sa dugang nga imbestigasyon.
Imbestigaran man sang BJMP kun paanu nakasulod ang cellphone sa jail facility sa pihak sang hugot nga seguridad sa mga inmates kag mga nagabisita sa presuhan.
Si Tanate amu ang gintudlo sang duha ka menor nga naga-contact sa ila kon diin ibaligya ang illegal drugs.