6 ka balay, nasunog sa Molo

Iloilo City–Duha ka balay ang naupos kag apat ang partially-damaged sa sunog sa Barangay East Baluarte, Molo kaina sang aga.

Gintudlo nga naghalin ang kalayo sa balay ni Mervin Casiano nga ginhimo sini boarding house. Magluwas sa balay ni Casiano, naupos man ang balay ni Corazon Baclagon.

Partially-damaged naman ang balay nanday Seferina Cadiz, Henry Pastilloso, Monaliza Cadiz kag ang balay nga gina-estaran gid ni Casiano.

Nasunog man ang panguna nga porsyon sang salakyan ni alyas Oca nga boarder ni Casiano.

Gina-imbestigaran pa ang ginhalinan sang sunog nga nagbilin sang ginabanta sa P200, 000 nga kahalitan. (AGB)